tg-me.com/h_ameer4/1079
Last Update:
[[ راحلين ]]
الى من فارقناهــم ونحن على اعتاب عيد الفطر
راحلين بســفرهـــم
والله يذبح هجـرهم
ارد اعاتب صـورهـم
◾◽◾◽◽◽◾◽◽◾◽
حال المفارگ يـذوب حتــى الصخور
ياهو اليمر اعلــه بابي يـگلي ماجــور
خاطـري للــراح مني ضــال مكــسـور
واللي ما ينـــشــبع منـه ضــمته گبـور
النـــحبه ونــــريده
شوفته شگد بعيده
گاعد وانتـظرهــــم
◾◽◾◽◾◽◾◽◾◽◾
محله گعدات الــمشو لــرض المضلمه
وگـلبي عافـوه ايتــسامر ويـه هــــمه
حــلم واحد عنــدي رايد مــره اتــمـه
اشبـــــگ الفارگـــني وتـــرابه اشــمـه
من عطرهم ألــــيفوح
بشمتـــه تــرجع الروح
اتمـــدد بصــف گبـرهم
◾◽◾◽◾◽◾◽◾◽◾
حالـة الضـــيع عزيــز شلــــون حالـه
مقصــر اويه الفاگده گــد ما بچالــــه
هذا المضــيـع ابــو حــن واجــــالــــه
وهذا اخوه وذاك عمه وذاك خــالـــــه
الفـرگة مره يالاحنان
شيبت حتى رضعــان
مانـــسيــنه ذكرهـــم
◾◽◾◽◾◽◾◽◾◽◾
الموت قصر مــو لان عنــهم جفاني
بس لان ويه الـجــفوني ما خذانـي
ياهـواي ويا دليــلــي ويا حنـــــاني
ابـقى لاخر عمري اربي الكم واتاني
رويحتي بلكي ترتاح
والتعب مـــنها ينزاح
والله لو بـس امرهـم
◾◽◾◽◾◽◾◽◾◽◾
ينهدم حيلي امن اشوفن صور شبان
التارسـين المگبــره ويلاه يالاحنــــان
ذاك ألطول الحــلو الما وصفه لســـان
هــسه ممـــدود بضلام وفــوگ تربان
اتغربـــو مـــن اهلــهم
ياعلـــــي عيــنك الهم
بصف حميتك مــقرهم
◾◽◾◽◾◽◾◽◾◽◾
اتخيــليت البـالگبر مــختنگ صـدره
ثگلن هدومي واجـرن عبــره عبـــره
وگلت ماكو بالــگبر مجلـس احضـره
بــداعة المذبوح احــضريني يزهــره
اتمنـه بالحفره اجلس
حتـى انصبلي مجلس
وارد اشــارك المــــهم
◾◽◾◽◾◽◾◽◾◽◾
عبد العليلـه
✍حيدر ابو كيان الفاطمي
قناة الرجوع الى الله @h_ameer1
قصائد منبريه مكتوبه @h_ameer2
قصائد منبريه مكتوبه @h_ameer3
قصائد نسائية مكتوبه @h_ameer4
BY قصائد منبريه مكتوبة2
Warning: Undefined variable $i in /var/www/tg-me/post.php on line 280
Share with your friend now:
tg-me.com/h_ameer4/1079